امام موسی بن جعفر علیہما السلام
کے بارے میں چند مطالب
**********************************
20 ذی الحجه : ولادت امام موسی بن جعفر علیهماالسلام
**********************************
(1)
حضرت موسي بن جعفر عليه السلام کو قتل کرنے کے لئے هارون کی سازش
علّامه بزرگوار محدّث عالى قدر مجلسى قدس سره بیان کرتے ہیں : میں نے ایک شیعہ عالم کی کتاب میں یوں پڑھا ہے:
جب هارون الرشيد لعنة اللَّه عليه نے امام كاظم عليه السلام کو شهید کرنے کا ارادہ کر لیا تو اس نے آپ کو قتل کرنے کی پیش کش اپنے ملک کے تمام مقامات میں فوج کے تمام افسروں سے کی لیکن کسی نت بھی اسے قبول نہ کیا۔
اس نے مجبور ہو کر دوسرے ملکوں میں اپنے نمائندوں کو خط لکھا کہ میرے پاس ایسے لوگوں کو بھیجیں کہ جو خدا و پیغمبر کو نہ جانتے ہوں،میں ان کے ذریعہ کوئی اہم کام انجام دینا چاہتاہوں۔
انہوں نے پچاس افراد پر مشتمل ایک گروہ بھیجاجو اسلام حتی کہ عربی زبان سے بھی آشنا نہیں تھے۔جب وہ آئے تو ہاروں نے انکی بہت آہ و بھگت کی اور ان سے پوچھا :تمہارا خدا کون ہے؟تمہارا پیغمبر کون ہے؟
انہوں نے جواب دیا:ہم نہ کسی خدا کو انتے ہیں اور نہ کسی پیغمبر کو۔
پھر انہیں اس کمرے میں داخل کیا جہاں امام كاظم عليه السلام کو قید رکھا گیا تھا تا کہ وہ آنحضرت کو قتل کر دیں،جب کہ خود هارون الرشيد لعين کمرے کی کھڑکی سے یہ سب دیکھتا رہا۔
وہ کمرے میں داخل ہوئے اور جب ان کی نگاہیںامام كاظم عليه السلام پر پڑیں تو انہوں نے اپنا اسلحہ ایک طرف پھینک دیا ،ان کا جسم کانپنے لگا اور وہ سب آنحضرت کے سامنے سجدے میں گر گئے اور امام عليه السلام کے سامنے رونے لگے .
امام كاظم عليه السلام نے بھی رافت و کرم سے اپنا دست مبارک ان کے سروں پر پھیرا اور انہی کے زبان و لہجہ میں ان سے بات کی جب کہ وہ سب رو رہے تھے۔
جب هارون نے یہ سب دیکھا تو اس خوف کے مارے کہ کہیں کوئی فتنہ کھڑا نہ جائے،اس نے اپنے وزیر کو آواز دی اور اسے حکم دیا کہ ان سب کو باہر نکالو۔
وہ سب امام عليه السلام کے احترام میں پچھلے پاؤں وہاں سے باہر نکلے اور ہاروں کی اجازت کے بغیر ہی اپنے گھوڑوں پر سوار ہو کر اپنے ملک واپس چلے گئے۔1)
--------------------------
1) بحار الأنوار : 249/48 ذيل ح 57 .
منبع: قطره اي از درياي فضائل اهل بيت عليهم السلام :ج 2 ص 645
*********************
(2)
امام کاظم عليه السلام کا امام زمانہ ارواحنا فداه کے بارے میں فرمان
امام موسى كاظم عليه السلام نے امام زمانہ ارواحنا فداه سے خطاب کرتے ہوئے فرمایا:
میرے والد اس پر قربان جائیں! جس پر خدا کی راہ میں ملامت کرنے والوں کی ملامت اثر انداز نہیں ہوتی۔
میرے والد اس پر قربان جائیں!جو خدا کے حکم سے قیام کرے گا ۔
یحییٰ بن نوفلی کا بیان ہے :حضرت موسى بن جعفر عليهما السلام نے عصر کی نمازکے بعد اپنے ہاتھوں کو دعا کے لئے بلند کرکے ایک دعا پڑھی۔
ہم نے آنحضرت سے عرض کیا :آپ نے کس کے لئے دعا فرمائی؟
قال : ذلك المهديّ من آل محمّد عليهم السلام ، قال : بأبي المنبدح البطن ، المقرون الحاجبين ، أحمش الساقين ، بعيد مابين المنكبين ، أسمر اللون ، يعتاده مع سمرته صفرة من سهر الليل ، بأبي من ليله يرعى النجوم ساجداً و راكعاً ، بأبي من لايأخذه في اللَّه لومة لائم، مصباح الدجى، بأبي القائم بأمر اللَّه.(1)
حضرت نے فرمایا : مہدی آل محمدعلیہم السلام کے لئے۔
پھرفرمایا : میرے والد اس وجود پر قربان جائیں! جس کی ابرو ملی ہوئی ہیں، پنڈلیاں پتلی ہیں، چارشانہ قوی ہیکل اور گندم گوں ہے اور تہجد وشب زندہ داری کی وجہ سے اس کا رنگ زرد ہے۔
میرے والد اس پر قربان! جو راتوں کوسجدہ ورکوع کی حالت میں ستاروں کے غروب ہونے کا انتظار کرتا ہے ۔
----------------------------
(1) بحار الأنوار : 81/86 .
منبع:صحیفہ مہدیہ:۱۱۹
****************************
(3)
هارون کی مجلس میں پردہ پر بنے شیر سے معجزہ کا ظاہر ہونا
ابن شهراشوب نےكتاب «مناقب» میں علىّ بن يقطين سے نقل کیا ہے کہ انہوں نے کہا :
هارون نے ایک شخص کو بلایا تا کہ وہ حضرت موسى بن جعفر عليهما السلام کی شخصیت کو پامال کرکےانہیں خاموش کرے اور محفل میں شرمندہ کرے .
لہذا ہاروں نے ایک مجلد کا انعقاد کیا:اس نے جادوگر بلایا اور وہاں ایک دسترخوان لگایا گیا،جب سب دسترخوان پر بیٹھ گئے تو اس ودوگر نے اپنا حملہ کیا،اآنحضرت کا خادم جب روٹی اٹھانے لگا تو وہ روٹی اوپر اڑ گئی،ہارون یہ دیکھ کر بہت خوش ہوا اور ہنسنے لگا۔
امام كاظم عليه السلام نے بیہ منظر دیکھا توپردہ پر شیر کی بنی ہوئی تصویر کی طرف اشارہ کیا اور فرمایا:
يا أسد اللَّه خذ عدوّ اللَّه.
اے خدا کے شیر!دشممن خدا کو پکڑ لے .
اس حکم کے صادر ہوتے ہی وہ تصویر ایک طاقتور شیر بن گئی اور اس نے جادو گر کھالیا۔ہاروں اور اس کے ساتھی غش کھا کر منہ کے بل زمین پر گر گئے اور خوف کے مارے حواس باختہ ہو گئے۔
کچھ دیر کے بعد جب وہ ہوش میں آئے تو ہارون نے حضرت موسى بن جعفر عليهما السلام سے عرض کیا :میں آپ سے درخواست کرتا ہوں کہ اس شیر کو حکم فرمائیں کہ اس جادوگر کو واپس کر دے۔
امام عليه السلام نے فرمایا :
إن كانت عصا موسى ردّت ما ابتلعته من حبال القوم وعصيّهم، فإنّ هذه الصورة تردّ ما ابتلعته من هذا الرجل .
اگر موسى کی عصا نے جادوگروں کی کھائی ہوئی رسیاں واپس پلٹائی ہوتیں تو یہ شیر بھی جادو گر کو واپس پلٹا دیتا۔1)
یہ واقعہ ہارون کے ہوش میں آنے کے لئے مؤثر ترین تھا۔
------------------------------
(1) مناقب ابن شهراشوب: 299/4، بحار الأنوار : 41/48 ح 17، عيون اخبار الرضا عليه السلام: 78/1 ح1، امالى صدوق : 212 ح 20 مجلس 29 .
منبع: قطره اي از درياي فضائل اهل بيت عليهم السلام :ج 1 ص 585