(1)
حديث معراج
محمّد بن يعقوب، ابن اُذينه سے نقل کرتے ہیں كه امام صادق عليه السلام نے فرمایا:
یہ ناصبی (جو آل محمد لیھم السلام سے دشمنی کا ظہار کرتے ہوں) کیا کہتے ہیں ؟
میں نے عرض کیا : میں آپ پر قربان جاؤں!کس موضوع کے بارے میں ؟
فرمایا :اپنی اذان، ركوع اور سجودکے بارے میں .
میں نے عرض کیا:وہ کہتے ہیں کہ اُبىّ بن كعب نے ان چیزوں کو خواب میں دیکھا ہے .
فرمایا : جھوٹ کہتے ہیں،خدا کا دین اس سے بلند تر ہے کہ خواب میں دیکھا جائے .
آنحضرت کے اصحاب میں سے سدیر نے عرض کیا:میں آپ پر قربان جاؤں!اس بارے میں تھوڑی سی وضاحت فر دیں۔
امام صادق عليه السلام نے فرمایا: جب خداء تبارك و تعالى اپنے پيغمبرکو سات آسمانں پر لے گیا تو پہلے مرحلہ میں آپ کے وجود کو بابرکت اور خیر و رحمت کا سرچشمہ قرار دیا ،ددوسری مرتبہ آپ کو نماز تلیم فرمائی ،پھر آپ کی طرف نور کا ایک کجاوہ بھیجا جس میں چالیس قسم کے انوار تھے جو عرش الهى کے اطراف کا احاطہ کئے ہوئےتھے،اور دیکھنے والوں کی آنکھیں خیرہ تھیں۔
ان انوار میں سے ایک نور زرد رنگ کا تھا ،تمام زرد رنگ کی چیزیں اسی کی وجہ سے زرد ہیں ،ایک نور سرخ رنگ کا تھا ار اب تمام سرخ رنگ کی چیزیں اسی نور کی وجہ سے ہی سرخ ہیں،ایک نور سفید رنگ کا تھا اور اب تمام سفید رنگ کی چیزیں اسی کی وجہ سے سفید ہیں اور باقی انوار دوسری مخلوقات کے رنگ کی طرح تھے،اس کجاوہ کا دستہ اور زنجیر چاندی کے تھے۔پيغمبر اكرم صلى الله عليه وآله وسلم اس میں بیٹھ گئے اور انہیں آسمان کی طرف لے گئے،فرشتہ اسے دیکھ کر سجدے میں گر کر کہنے لگے :
«سبّوح قدّوس» پاک و منزہ ہے پروردگار، یہ نور کس قدر ہمارے خالق کے نور سے ملتا لتا ہے۔
جبرئيل نےدو مرتبه کہا : اللَّه اكبر ، تمام فرشتے خامووش ہو گئے ، پھر آسمان کے دروازے کھول دیئے گئے، اور فرشتے گروہ در گروہ آنے لگے اور آنحضرت پر سلام کرتے اوور کہتے:اے محمد ! آپ کا بھائی کیسا ہے؟
فرمایا:اچھا ہے۔
پيغمبر اكرم صلى الله عليه وآله وسلم نے فرمایا:کیا تم میرے بھائی کو جانتے ہو؟
انہوں نے عرض کیا:
وكيف لانعرفه وقد أخذ [اللَّه عزّوجلّ] ميثاقك وميثاقه منّا [وشيعته إلىيوم القيامة علينا، وإنّا لنتصفّح وجوه شيعته في كلّ يوم وليلة خمساً -يعنون في وقت كلّ صلاة -] وإنّا لنصلّي عليك وعليه .
ہم کس طرح انہیں نہ پہچانتے ہوں؟جب کہ خدانے آپ اور ان کے متعلق ہم سے عہد لیا ہے اور ہم علی علیہ السلام کے شیعوں کے چہروں کو پانچ نمازوں کے وقت غور سے دیکھتے ہیں اور ہم آپ اور آپ کے بھائی پر درود بھیجتے رہتے ہیں۔
پھر خدا نے میرے لئے چالیس انوار کا اضافہ کیا اور پر نور پہلے والے نور سے مختلف تھا اور ان کے دستے اور زنجیر چاندی سے بنے ہوئے تھے اس کے بعد مجھے دوسرے آسمان کی طرف لے گئے اور جب دوسرے آسمان کی فضا کے قریب پہنچے تو فرشتے آسمان کی طرف ایک ہو کر سجدے میں گر گئے اور کہنے لگے .
«سبّوح قدّوس ربّ الملائكة والرّوح» «پاك و منزّه ہے فرشتوں اور روح کا پروردگار » ، کس قدریہ نور ہمارے خالق کے نور سے ملتا ہے!
جبرئيل عليه السلام نےدو مرتبه کہا: «أشهد أن لا إله إلّا اللَّه» ،
فرشتے جمع ہو گئے اور جبرئیل سے پوچھا کہ آپ جس شخص کو اپنے ساتھ لائےہیں ،یہ کون ہیں؟
ان کے جواب میں کہا :یہ محمّد صلى الله عليه وآله وسلم کا وجود مبارک ہے۔
کہا:کیا یہ رسالت پر مبعوث ہوئےہیں؟فرمایا:ہاں
رسول خدا صلى الله عليه وآله وسلم نے فرمایا : فرشتے اس طرح مجھ سے آ کر ملنے لگے جیسے کسی سے معانقہ کیا جاتا ہے۔وہ مجھ پر سلام کرتے اورکہتے کہ اپنے بھائی کو ہمارا سلام کہنا۔
میں نے کہا:کیا تم میرے بھائی کو جانتے ہو؟
انہوں نے کہا:ہم انہیں کس طرح نہ جانتے ہوں حالانکہ خا نے ہم سے آپ،آپ کے بھائی اور ان کے شیعوں کے بارے میں قیامت کے دن تک عہد و پیمان لیا ہے۔ ہم پانچ نمازوں کے وقت آپ کے بھائی کے شیعوں کے چہرے کی طرف غور سے دیکھتے ہیں۔
فرمایا:پھر پہلے چالیس انوار سے مختلف اور چالیس انوار کا اضافہ ہوا اور چاندی کا دستہ و زنجیر مھے دی گئی۔پھر مجھے تیسرے آسمان پر لیجایا گیا اور آسمان کے فرشتے ایک طرف سجدے میں گر کر کہنے لگے۔
«سبّوح قدّوس ربّ الملائكة والرّوح»، یہ نور ہمارے خالق کے نور سے کتنا ملتا ہے ؟
جبرئيل نےدو مرتبه کہا : «أشهد أن محمّداً رسول اللَّه»
ملائكه جمع ہوئے اور آنحضرت سے عرض کیا : اے خدا کی پہلی اور آخری مخلوق خوش آمدى۔اے وہ جو تمام لوگوں کو جمع اور انہیں تقسیم کرنے والے ہو۔محمّد صلى الله عليه وآله وسلم پیغمبروں میں بہترین پیغمبر ہیں اور على عليه السلام اوصياء میں بهترين وصى ہیں .
رسول خدا صلى الله عليه وآله وسلم نے فرمایا : پھر انہوں نے مجھ پر سلام کیا اور میرے بھائی على عليه السلام کے بارے میں پوچھا،میں نے ان سے کہا:میں اسے آسمان پر نہیں لایا وہ زمین پر ہے کیا تم اسے جانتے ہو؟
انہوں نے کہا:
وكيف لانعرفه وقد نحجّ البيت المعمور كلّ سنة، وعليه رقّ أبيض فيه اسم محمّد صلى الله عليه وآله وسلم والأئمّة واسم عليّ والحسن والحسين عليهم السلام وشيعتهم إلى يوم القيامة، وإنّا لنبارك عليهم كلّ يوم وليلة خمساً - يعنون في وقت كلّصلاة - يمسحون رؤوسهم بأيديهم.
ہم انہیں کس طرح نہ جانتے ہوں حالانکہ ہم ہر سال بیت المعمور کا طواف کرتے ہیں ،اور وہاں ایک سفید رنگ کا ورقہ ہے جس پر محمد،علی،حسن،حسین اور دوسرے ائمہ کے اسماءاور قیامت تک آنے والے ان کے شیعوں کے نام لکھے ہوئےہیں ،ہم ہر دن پانچ وقت کی نمازوں کے اوقات میں میں ان کے شیعوں کے سروں پر ہاتھ پھیرت ہیں اور ان کے لئےدعا کرتے ہیں تا کہ خدا ان کے وجود میں خیر و برکت عطا فرمائے .
فرمایا:پھر پہلے چالیس انوار سے مختلف اور چالیس انوار کا اضافہ ہوا اور چاندی کا دستہ و زنجیر مھے دی گئی۔پھر مجھے چوتھے آسمان پر لیجایا گیا اور اس جگہ فرشتے کچھ نہیں کہہ رہے تھے۔میں نے وہاں صرف مختلف قسم کی آوازوں کو سنا ،فرشتے جمع ہو گئےاور آسمان کے دروازے کھول دیئے گئےاور سب کےسب اس طرح میری طرف آئےجیسے کسی سے معانقہ کرتے ہیں ۔
جبرئيل عليه السلام نے دو مرتبہ کہا:«حيّ على الصلاة»
اور دو بار کہا: «حيّ على الفلاح»
فرشتوں نے کہا:یہ دو آوازیں ایک دوسرے کے قریب اور جانی پہچانی ہیں۔محمّد صلى الله عليه وآله وسلم کے زریعہ نماز برپا کی جائے گی اور على عليه السلام کے ذریعہ نجات و فلاح تک پہنچا جائے گا .
پھر جبرئیل نے دوبارہ کہا : «قد قامت الصلاة»
فرشتوں نے کہا: یہ قیامت تک شیعوں سے مخصوص ہے،شیعہ ہی نماز قائم کریں گے ۔
اس وقت فرشتوں نے مجھ سے سوال کیا:آپ کے بھائی کا کیا حال ہے ؟
میں نے ان سے کہا:کیا تم انہیں جانتے ہو؟
انہوں نے کہا:
نعرفه وشيعته وهم نور حول عرش اللَّه، وأنّ في البيت المعمور قالباً من نور، فيه كتاب من نور، فيه اسم محمّد وعليّ والحسن والحسين والأئمّة وشيعتهم إلى يوم القيامة، لايزيد فيهم رجل، ولاينقص منهم رجل وأنّه لميثاقنا [ الّذي اُخذ علينا] وإنّه ليقرأ علينا في كلّ يوم جمعة .
ہم انہیں اور ان کے شیعوں کو انتے ہیں وہ عرش الهى کے اطراف میں نور ہیں اور بیت المعمور میںنور کا تختہ ہے جس پر محمّد ، على ، حسن ،حسين،تمام ائمّه عليهم السلام اور روز قیامت تک کے شيعون کے نام لکھے ہوئے ہیںشیعوں کی تعداد میں نہ تو کسی طرح کا اضافہ ہوتاہے اور نہ ہی کمی ہوتی ہے اور یہ وہ عہد و پیمان ہے جو ہم سے لیا گیا ہے اور ہر جمعہ کے دن اسے ہمارے لئے پڑھا جاتا ہے۔
پھر اس حدیث میں وضو، ركوع اور سجود کا طریقہ بیان ہوا ہے۔جو ایک طولانی بحث ہے لہذا ہم نے صرف اپنے موضوع سے مربوط حصہ کو ذکر کیا ہے.(1)
مؤلّف رحمه الله کہتے ہیں :حديث معراج پر دو اعتراض و اشکال کئے گئے ہیں۔ایک یہ کہ آسمانوں سے گذرنے کی وجہ سے یہ لازم آئےگا کہ آسمانوں میں شگاف پڑ جائےاور پھر دوبارہ آپس میں مل جائیں ۔
دوسرا اعتراض یہ کہ ایک بھاری اور وزنی جسم کس طرح اوپر جا سکتا ہے اور آسمان تک پہنچ سکتا ہے؟
پہلے اعتراض کا جواب یہ ہے کہ ممکن ہے کہ آسمان ایک لطیف جسم ہو جیسے کہ پانی یا پانی کی مانندلہذا اعترا ض وارد نہیں ہو گا ۔
دوسرے اعترا ض کا جواب یوں ہے: تعجب تو ان کےعالم لاہوت سے اس عالم خاکی کی طرف آنے میں ہونا چاہئے نہ کہ ان کے اوپر جانے میں کیونکہ وہ تو ہیں ہی اوپر سے۔بلکہ ان کا ود کائنات کی خلقت کا سبب اور علت ہے ۔جیسا کہ بہت سی روایات میں اس مفہوم کا ذکر ہوچکا ہے۔
1) الكافى : 482/3 ح1 ، علل الشرايع : 312 ح 1 ، بحار الأنوار : 354/18 ح 66 و 237/82 ح1 .
منبع: قطره اي از درياي فضائل اهل بيت عليهم السلام: ج 1 ص 107