غربت  و  تنگدستی  اور  قرض  سے  کیسے  چھٹکارا  حاصل  کیا  جائے؟

میری  زندی  فقر  و  تنگدستی  میں  گھری  ہوئی  ہے  اور  میں  نے  جو  بھی  کام  کاج  کیا  اور  میری  ہر  کوشش  کے  باوجود  میں قرض  کے  رنج  سے  چھٹکارا  نہیں  پا  سکا۔جو  بھی  کام  کر  لوں  لیکن  قرض  سے  نجات  حاصل  نہیں  ہوتی  ۔آخر  میں  کیا  کروں  کہ  جس  سے  میں  اس  مصیبت  سے  نجات  پا  لوں؟اس  مصیبت  سے  نجات  کا  کوئی  راستہ  ہے؟براہ  مہربانی  میری  رہنمائی  فرمائیں۔

 

جواب:

آپ  کی  مشکلات  کا  حل  بتانے  سے  پہلے  ایک  اہم  نکتہ  بیان  کرنا  ضروری  سمجھتا  ہوں:

اب  اقتصادی  نظام  میں  ناکامی  کے  باعث  پوری  دنیا  غربت  اور  تنگدستی  میں  مبتلا  ہے  جس  سے  کروڑوں  انسان  متاثر  ہو  رہے  ہیں  اور  دنیاکے  دولت  مند  حضرات  نہ  صرف  اپنی  اقوام  کو  اس  مصیبت  سے  نجات  دلانے  کی  کوشش  نہیں  کر  رہے  بلکہ  وہ  ایسے    منصوبے  بنا  رہے  ہیں  جن  کی  وجہ  سے  طبقاتی  نظام  مزید  بڑھے  کا  ۔ہر  دن  معاشرے  کے  کچھ  افراد  کا  سرمایہ  تو  بڑھ  رہا  ہے  لیکن  اکثریت  کی  غربت  اور  تنگدستی  میں  اضافہ  ہو  رہا  ہے۔

اگر  دنیا  کے  سیاست  دانوں  کی  سیاست  صحیح  ہوتی  تو  کبھی  بھی  دنیا  کے  اکثر  لوگ  غربت  اور  تنگدستی  کا  شکار  نہ  ہوتے  ۔

مذکورہ  بحث  کی  بنیاد  پر  بہت  سے  لوگ  قرض  اور   تنگدستی  کا  شکار  ہیں  لیکن  وہ  اس  سے  نجات  کے  لئے  کسی  دوسرے  سے  کوئی  امید  نہ  رکھیں  بلکہ  خدا  سے  امید  رکھتے  ہوئے   مشکلات  اور  پریشانیوں سے  نجات  کی  کلید  حاصل  کریں  اور  خود  کو  قرض  اور  تنگدستی  سے  نجات  دلائیں۔

انسان  کو  خدا  کی  طرف  متوجہ  کرنے  اور  مادی  پریشانیوں  سے  نجات  عطا  کرنے  کا  ایک   ذریعہ    بہت  ہی  اہم  دعا  ہے  جسے  حضرت  امام  رضا  علیہ  السلام  نے  امیر  المومنین  علی  علیہ  السلام  سے  روایت  کیاہے۔

یہ  دعا  مادی  پریشانیوں  سے  نجات  اور  گناہان  کبیرہ  کی  بخشش  کااہم  ذریعہ  ہے  اور  اس  کا  بہت  بار  تجربہ  کیا  گیا  ہے  کہ  اس  دعا  کو  پڑھنے  کی  وجہ  سے  بہت  سے  افراد  کے  لئے  رزق  و  روزی  کے  دروازے  کھل  گئے۔

یہ  اہم  دعا  کچھ  دن  پڑھیں  تا  کہ  اس  سے  نتیجہ  لینے  والے  ہزاروں  افراد  کی  طرح  مشکلات  اور  پریشانیوں  سے  نات  حاصل  کریں  اور  سکون  و  اطمینان  محسوس  کریں  یہ  دعا  آپ  کی  نجات  کا  سامان  فراہم  کرتی  ہے  اور  یہ  دعا  استغفار  کے  لئے  بہت  مجرب  ہے  اور  جسے  صحیفہ  رضویہ    کے  صفحہ  ۴۱۹  پر  ذکر  کیا  گیا  ہے۔