(2)

امام باقر علیه السلام

کے  دیدار  کے  لئے  مدینہ  سے  خراسان  پیدل  آنا

عيّاشى رحمه الله كتاب «تفسير» میں بريد بن معاويه عجلى سے  نقل  کرتے  ہیں  کہ  انہوں  نے  کہا : میں امام باقر عليه السلام کے پاس  تھا  کہ  اچانک  ایک  شخص  خراسان  سے  پیدل  سفر  کرکے  امام  علیہ  السلام  سے  ملاقات  کے لئے  آیا،اس  نے  دوران  سفر  پاؤں  پر  آنے  والے  ذخم  دکھانے  کے  لئے  اپنے  پا ؤں    آگے  بڑھا ئے  اور  عرض  کیا:

خدا  کی  قسم!  آپ  اہلبیت  اطہار  علیھم  السلام  کی  محبت  کے  علاوہ  مجھے  کسی  چیز  نے  اس  کام  پر  مجبور  نہیں  کیا  اور  آپ  کی  دوستی  کی  وجہ  سے  میں  اتنا  لمبا  سفر  پیدل  چل  کر  آیا  ہوں۔

    امام باقر عليه السلام نے  فرمایا:

واللَّه لو أحبّنا حجر حشره اللَّه معنا، وهل الدين إلّا الحبّ؟

 خدا  کی  قسم!اگر  پتھر  بھی  ہماری  محبت  رکھتا  ہوتو  خداوند  متعال  اسے  بھی  ہمارے  ساتھ  محشور  فرمائے  گا،کیا  دین  محبت  کے  علاوہ  کوئی  اور  چیز  ہے؟

بے  شک  خدا  نے  فرمایا  ہے :

«قُلْ إنْ كُنْتُم تُحِبُّونَ اللَّه فَاتَّبِعُوني يُحْبِبْكُمُ اللَّه » (1) ، 

«(اے  پیغمبر)کہو  کہ  اگر  تم  خدا  سے  محبت  کرتے  ہو  تو  میری  اطاعت  کرو  تا  کہ  خدا  تم  سے  محبت کرے» .

 اور  خدا  نے  فرمایا  ہے :

 «يُحِبُّونَ مَن هاجَرَ إلَيْهِم » (2) .

 «وہ  ان  کی  طرف  آنے  والے  مہاجرین  کو  دوست  رکھتے  ہیں» .

 (آپ  نے  اسے  دو  بار  تکرار  فرمایا :) کیا  دین  محبت  کے  علاوہ  کوئی  اور  چیز  ہے ؟(3)

1) سوره آل عمران ، آيه 31 .

2) سوره حشر ، آيه 9 .

3) تفسير عيّاشى: 167/1 ح 27، بحار الأنوار : 95/27 ح 57، تفسير برهان : 277/1 ح9.

 

 

منبع: فضائل اهل بیت علیهم السلام کے  دریا  سے  ایک  قطرہ.جلد اول صفحه 520