(3)

امام باقر علیه السلام کی  زیارت  کے لئے پیدل  چل  کر  آنا  اور  پیروں  کا  زخمی ہوجانا  

فرات رحمه الله نے اپنی تفسير میں بريد بن معاويه عجلى  اور ابراهيم احمرى نقل  کیا  ہے  کہ  انہوں  نے  کہا :

 ہم امام باقر عليه السلام کی  خدمت  میں شرفياب ہو ئے  جب  ہ  زیاد  آنحضرت  کے  پاس  موجود  تھا  امام  علیہ  السلام   نے  اس  سے  فرمایا:

 اے زياد ! کیا  ہوا  ہے  میں  دیکھ  رہا  ہوں  کہ  تمہارے  پاوں  پھٹے  ہو ئے  ہیں ؟

    عرض کیا : میں نے اپنے  پاس  موجد  کمزور  اونٹ  کے  ساتھ  سفر کیا  ہے  اور  مجھے  اٹھا  نہیں  سکتا  تھااس  لئے  میں کبھی پیدل چل پڑتا تھا اور  اونٹ  کو  چلنے  پر  مجبور  کرتا  تھا۔آپ  کی  محبت  اور  زیارت  کے  شوق  کے  علاوہ  کسی  چیز  نے  مجھے  اس  کام  پر  آمادہ  نہیں  کیا۔پھر  اس  نے  اپنا  سر  جھکالیا  اور  تھوڑی  دیر  کے  بعد  عرض  کیا:

میں  آپ  پر  قربان  جاوں!ب  میں  تنہا  ہوتا  ہوں  تو  شیطان  میرے  پاس  آتا  ہے  اور  مجھے  میرے  گذشتہ  گناہوں  اور  برا ئیوں  کے  بارے  میں  یاد  دلاتا  ہے  اور  میرے  دل  میں  اس  قدر  وسوسے  ڈالتا  ہے  وہ  مجھے  ناامیدی  ہونے  لگتی  ہے  ،اس  وقت  میں  آپ  کے  ساتھ  اپنی  محبت  ،وابستگی  اور  ارتباط  کو  یاد  کرتا  ہوں  جس  سے  مجھ  میں  پھر  سے  امید  پیداہونے  لگتی  ہے۔

    امام باقر عليه السلام نے  فرمایا : 

يا زياد، وهل الدين إلّا الحبّ والبغض؟

 اے زياد ! کيا محبت  اور  دشمنی  کے  علاوہ  دین  کو ئی چیز  ہے ؟

 پھر  آپ  نے  قرآن  کی  تین  آیات  کی  تلاوت  فرما ئی  (گویا  انہوں  نے یہ  آیتیں  بغیر  کسی  غور  و  فکر  کے  تلاوت  فرما ئیں):

 «وَلكنَّ اللَّهَ حَبَّبَ إلَيْكُمُ الإيمانَ وَزيَّنَهُ في قُلُوبِكُم ... »(1) ، 

«خدا  نے  تمہارے  لئے  ایمان  کو  پسند  کیا  اور  تمہارے  دلوں  میں  زینت  دیا» .

 «يُحبُّونَ مَنْ هاجَرَ إلَيْهِمْ »(2) ،

«وہ  انہیں  دوست  رکھتے  ہیں  جنہوں  نے  ان  کی  طرف  ہجرت  کی» .

 «إنْ كُنْتُمْ تُحِبُّونَ اللَّهَ فَاتَّبِعوني يُحْبِبْكُم اللَّهُ وَيَغْفِر لَكُم ذُنُوبَكُم وَاللَّهُ غَفُورٌ رَحيمٌ »(3) .

 «اگر تم خدا سے  محبت  کرتے  ہو تو میری پیروی  کرو  تا  کہ  خدا  تمہیں  دوست  رکھے    اور  تمہارے  گناہوں  کو  معاف  کر  دے  ،اللہ  بخشنے  والا  اور  رحم  کرنے  والا  ہے» .

پھر آپ  نے  فرمایا : ایک  شخص  رسول  اکرم(ص)کی  خدمت  میں    آیا  اور  عرض  کی:یا  رسول  اللہ!میں  روزہ  داروں  کو  پسند  کرتا  ہوں  لیکن  خود  روزہ  نہیں  رکھتا،میں  نماز  ادا  کرنے  والوں  کو  دوست  رکھتا  ہوں  لیکن  خود  نماز نے  پڑھتا،میں  صدقہ  دینے  والوں  کو  دوست  رکھتا  ہوں  لیکن  خود  صدقہ  نہیں  دیتا  اور  احسان  نہیں  کرتا۔

 پيغمبر اكرم صلى الله عليه وآله وسلم نے  فرمایا :

 أنت مع من أحببت ولك ما اكتسبت، أما ترضون أن لو كانت فزعة من السماء فزع كلّ قوم إلى مأمنهم وفزعنا إلى رسول اللَّه‏ صلى الله عليه وآله وسلم وفزعتم إلينا.

 تو ان  لوگوں  کے  ساتھ  ہے  جنہیں  تو  پسند  کرتا  ہے  اور  تو  جو  عمل  کرے  گا  تجھے  اس  کی  جزا  دیں  گے  اور  کیا  تم  اپ  پر  خوش  اور  راضی  نہیں  ہو  کہ  جب  بھی آسمان  سے  کوئی  وحشتناک  حادثہ  رونما  ہو  تو  ہر  گروہ  اپنی  پناہ  گاہ  کی  طرف  جاتا  ہے  اور  ہم  رسول  خدا(ص)  کی  پناہ  لیتے  ہیں  اور  تم  اس  وقت  ہماری  پناہ  میں  ہوتے  ہو؟ (4)

 

1) سوره حجرات ، آيه 7 .

2) سوره حشر ، آيه 9 .

3) سوره آل عمران ، آيه 31 .

4) تفسير فرات: 428 ح 567، بحار الأنوار : 63/68 ح 114، الكافى: 79/8 ح 35، تفسير برهان : 206/4 ح1.

 

منبع: فضائل اهل بیت علیهم السلام کے  دریا  سے  ایک  قطرہ.جلد اول صفحه 530