(2)

امام حسن عسکري عليه السلام  کے مواعظ  کا  ایک  گوشہ

اس  حصہ  کے  آخر  میں  امام حسن عسكرى‏ عليه السلام کے  کچھ  خوبصورت  نصاءح  کی  طرف  اشارہ  کرتے  ہیں:

1 -  ایک  شیعہ  نے امام حسن عسكرى‏ عليه السلام کی  خدمت  میں  خط  تحریر  کیا  جس  میں  شیعوں  کے  درمیان  موجود  اختلاف  کی  طرف  اشارہ  کیا.

امام‏ عليه السلام اس  کے  جواب  میں  تحریر  فرمایا:

إنّما خاطب اللَّه العاقل ، والناس فيّ على طبقات : المستبصر على سبيل نجاة، متمسّك بالحقّ ، متعلّق بفرع الأصل ، غير شاكّ ولا مرتاب ، لا يجد عنّي ملجأ . وطبقة لم تأخذ الحقّ من أهله ، فهم كراكب البحر يموج عند موجه ويسكن عند سكونه . وطبقة استحوذ عليهم الشيطان ، شأنهم الردّ على أهل الحقّ ، ودفع الحقّ بالباطل حسداً من عند أنفسهم .

 فدع من ذهب يميناً وشمالاً ، فإنّ الراعي إذا أراد أن يجمع غنمه جمعها بأهون سعي ، وإيّاك والإذاعة وطلب الرئاسة ، فإنّهما يدعوان إلى الهلكة .(27)

 خداوند  متعال  نے  صرف  عاقل  کو  مورد  خطاب  قرار  دیا  ہے  کہ  میرے  بارے  میں  لوگوں  کے  چند  ایک  گروہ  ہیں :

 الف) جو  راہ  نجات  و  رستگاری  کے  لئے  بصیرت  و  عقل  رکھتا  ہو،وہ  جو  حق  و  حقیقت  سے  متمسک  ہواور  اس  کی  شاخوں  کو  پکڑے  ہوئے  ہواور  میرے  بارے  میں  کسی  طرح  کے  شک  و  شبہہ  میں  مبتلا  نہیں  ہے  اور  نہ  ہی  میرے  علاوہ  کسی  اور  کو  اپنی  پناہ  گاہ  کے  طور  پر  تلاش  کرتا  ہے .

 ب) وہ  گروہ  کہ  جس  کے  حق  و  حقیقت  کو  اس  کے  اہل  سے  حاصل  نہیں  کیا  اور  وہ  ایسے  تیراک  ہیں  جو  اس  وقت  جوش  و  خروش  میں  ہوتے  ہیں  کہ  جب  سمندر  جوش  میں  ہو  اور  اس  وقت  آرام  کرتے  ہیں  کہ  جب  سمندر  پرسکون  ہو .

 ج)وہ  لوگ  جن  پر  شیطان  غالب  آچکا  ہے  اور  ان  کا  کام  اہل  حق  کو  رد  کرنا  ہے  اور  اپنے  دل  میں  حسد  کی  وجہ  سے  حق  کو  باطل  کے  وسیلہ  سے  دور  کرتے  ہیں.

اس  بناء  پر  وہ  لوگ  جو  ادھر  ادھر  ہوتے  ہیں  انہیں  چھوڑ  دو  کیونکہ  چرواہا  اپنی  بھیڑ  بکریوں  کو  اکٹھا  کرنا  چاہے  تو  تھوڑی  سی  کوشش  سے  کر  لیتا  ہے.

افشاء  گری  اور  ریاست  طلبی  سے  پرہیز  کرو  کہ  یہ  دونوں  انسان  کو  ہلاکت  و  نابودی  میں  ڈال  دیتے  ہیں۔

2 - امام حسن عسكرى‏ عليه السلام نے  فرمایا: 

 من الفواقر الّتي تقصم الظهر : جار إن رأى حسنة أخفاها ، وإن رأى سيّئة أفشاها .(28)

 

 وہ  مصیبت  جو  انسان  کے  لءے  کمرشکن  ہے  ،وہ  ایسے  پڑوسی  کا  وجود  ہے  کہ  اگر  وہ  کوءی  خوبی  دیکھے  تو  اسے  چھپائے  اور  اگر  کوئی  برائی  دیکھے  تو  اسے  آشکار  کرے۔

  3 - امام حسن عسكرى‏ عليه السلام نے  اپنے  شیعوں  سے  خطاب  کے  ضمن  میں  فرمایا:

 أوصيكم بتقوى اللَّه ، والورع في دينكم ، والإجتهاد للَّه ، وصدق الحديث ، وأداء الأمانة إلى من ائتمنكم من برّ أو فاجر ، وطول السجود وحسن الجوار ، فبهذا جاء محمّد صلى الله عليه وآله وسلم .

 صلّوا في عشائرهم ، وأشهدوا جنائزهم ، وعودوا مرضاهم ، وأدّوا حقوقهم ، فإنّ الرجل منكم إذا ورع في دينه ، وصدق في حديثه ، وأدّى الأمانة، وحسن خلقه مع الناس قيل : هذا شيعيٌّ فيسرّني ذلك .

 اتّقوا اللَّه وكونوا زيناً ولاتكونوا شيناً ، جرّوا إلينا كلّ مودّة ، وادفعوا عنّا كلّ قبيح ، فإنّه ما قيل فينا من حسن فنحن أهله ، وما قيل فينا من سوء فما نحن كذلك ، لنا حقّ في كتاب اللَّه ، وقرابة من رسول اللَّه‏ صلى الله عليه وآله وسلم، وتطهير من اللَّه ، لايدّعيه أحد غيرنا إلّا كذّاب.

 أكثرو ذكر اللَّه ، وذكر الموت ، وتلاوة القرآن ، والصلاة على النبيّ صلى الله عليه وآله وسلم ، فإنّ الصلاة على رسول اللَّه صلى الله عليه وآله وسلم عشر حسنات ، احفظوا ما وصّيتكم به ، واستودعكم اللَّه وأقرء عليكم السلام .(29)

میں  تمہیں  تقوی  الہی  ،دین  میں  پرہیز  گاری ،خدا  کے  لئے جدوجہد،روست  گوئی ،جس  نے  تمہیں  امین  سمجھا  ہو  چاہے  وہ  اچھا  ہو  یا  برا،اس  کی  امانت  واپس  کرنے،طولانی  سجدوں  اور  پڑوسی  کے  ساتھ  حسن  سلوک  کی  سفارش  کرتا  ہوں .کیونکہ  انہیں  احکام  کے  لئے  حضرت  محمد(ص)  مبعوث  ہوءے۔

اپنے  محلہ  میں  مخالفین  کے  ساتھ  مل  کر  نماز  پڑھو،ان  کے  تشیع  جنازہ  میں  شریک  ہو،ان  کے  بیماروں  کو  عیادت  کرو  ،ان  کے  حقوق  ادا  کرو  کیونکہ  اگر  تم  میں  سے  کوءی  ایک  بھی  اپنے  دین  کا  پابنداور  سچا  ہو،امانت  دار  ہو  اور  ان  کے  ساتھ  حسن  سلوک  سے  پیش  آئے  تو  وہ  کہیں  گے  کہ  یہ  شیعہ  ہے  اور  یہی  چیز  میرے  لئے  مسرت  کا  باعث  ہے.

 تقواى خدا اختیار  کرو،ہمارے  لئے  زینت  بنو  ،ہمارے  لئے ننگ  و  عار  کا  باعث  نہ  بنو  ہر  طرح  کی  محبت  و  مودت  کو ہمارے  ساتھ  منسلک  کرو  اور  ہر  طرح  کی  برائی   کو  ہم  سے  دور  کرو  کیونکہ  ہمارے  حق  میں  جو  بھی  اچھائی  بیان  ہو  گی  ہم  اس  کے  اہل  ہیں  اور  جس  برائی  کی  نسبت  بھی  ہماری  طرف  دی جائے  تو  ہم  ایسے  نہیں  ہیں  ،کتاب  خدا  میں  ہمارے  لءے  حق  ہے  ،رسول  خدا  سے  ہماری  قرابت  و  رشتہ  داری  ہے،ہماری  طہارت  خدا  کی  جانب  سے  ہے اور  اگر  ہمارے  علاوہ  کوئی  بھی  اس  کا  دعوی  کرے  تو  وہ  جھوٹا  ہے۔

 خداوند کا  ذکر  زیادہ  کرو۔موت  کو  بھی  یاد  کرو،قرآن  کی  تلاوت  کرو،خدا  کے  رسول  (ص)  پر  درود  بھیجو  کیونکہ  رسول  خدا(ص)  پر  درود  بھیجنے  کی  دس  نیکیاں  ہیں،میں  نے  تمہیں  جن  چیزوں  کی  وصیت  کی  ہے  انہیں  یاد  رکھو  اور  تم  سب  کو  اللہ  کے  حوالے  کرتا  ہوں  اور  سب  پر  سلام  بھیجتا  ہوں۔

- امام حسن عسكرى‏ عليه السلام فرماتے  ہیں: 

 ليست العبادة كثرة الصيام والصلاة ، وإنّما العبادة كثرة التفكّر في أمر اللَّه .(30)

 

زیادہ  روزے  رکھنے  اور  نمازیں  پڑھنے  کا  نام  عبادت  نہیں  ہے    بلکہ  امور  الہی  میں  غور  و  فکر  کرنا  عبادت  ہے۔

5 - امام حسن عسكرى‏ عليه السلام فرماتے  ہیں:

 الغضب ، مفتاح كلّ شرّ .(31)

غضب  ہر  برائی  کی  کنجی  ہے۔

6 - امام حسن عسكرى‏ عليه السلام فرماتے  ہیں:

 أقلّ الناس راحة الحقود .(32)

 كم  ترین  آسائش  کینہ  رکھنے  والوں  کے  لئے  ہے۔

7 - امام حسن عسكرى‏ عليه السلام فرماتے  ہیں:

 إنّكم في آجال منقوصة ، وأيّام معدودة ، والموت يأتي بغتة ، من يزرع خيراً يحصد غبطة ، ومن يزرع شرّاً يحصد ندامة ، لكلّ زارع ما زرع ، لا يسبق بطي‏ء بحظّه ، ولايدرك حريص ما لم يقدّر له ، من اُعطي خيراً فاللَّه أعطاه ، ومن وقي شرّاً فاللَّه وقاه .(33)

آپ  لوگوں  کی  زندگی  ایک  محدود  مدت  اور  معین  ایام  تک  ہے  اور  اچانک  موت  آئے  گی  ،جو  کوئی  اچھائی  بوئے  گا  وہ  دوسرو‏ں  کے  لئے  قابل  رشک  ہے۔کسان  کو  وہی  کچھ  ملتا  ہے  جو  وہ  بوتا  ہے  ،جو  روزی  کے  حصول  کے  لئے  سست  چلتا  ہے  تو  کوئی  بھی  اس  سے  استفادہ  کرنے  کے  لئے  اس  سے  پہل  نہیں  کرتا  اور  جو  کوئی  اسے  حاصل  کرنے  میں  لالچ  و  حرص  سے  کام  لیتا  ہے،پس  جو  کچھ  اس  کے  مقدر  میں  نہیں  ہے  اسے  وہ  حاصل  نہیں  کر  سکتا  ،جس  کسی  کو  کوئی  بھی  خیر  و  اچھائی  عطا  ہو  تو  حقیقت  میں  خداوند  متعال  نے  عطا  فرمائی  ہے  اور  جو  کوئی  شر  سے  محفوظ  رہے  تو  درواقع  خدائے  متعال  نے  اس  کی  حفاظت  کی  ہے۔ .

8 - امام حسن عسكرى‏ عليه السلام فرماتے  ہیں : 

 ما ترك الحقّ عزيز إلّا ذلّ ، ولا أخذ به ذليل إلّا عزّ .(34)

 

کسی  بھی  عزت  دار  نے  حق  کو  ترک  نہیں  کیا  مگر  یہ  کہ  وہ  ذلیل  ہو  اور  کسی  بھی  ذلیل  نے  حق  کو  اپنایا  نہیں  مگر  یہ  کہ  وہ  عزت  دار  ہو.

9 - امام حسن عسكرى‏ عليه السلام فرماتے  ہیں : 

 خصلتان ليس فوقهما شي‏ء : الإيمان باللَّه ، ونفع الإخوان .(35)

دو  صفات  ایسی  ہیں  کہ  جن  سے  بڑھ  کر  کوئی  چیز  نہیں  ہے  ،اللہ  پر  ایمان  لانا  اور  بھائیوں  کو  نفع  پہنچانا.

10 - امام حسن عسكرى‏ عليه السلام فرماتے  ہیں :

 التواضع نعمة لاتحسد عليها .(36)

تواضع  و  انکساری  ایسی  نعمت  ہے  جو  کبھی  بھی  مورد  حسد  واقعی  نہیں  ہوتی.

11 - امام حسن عسكرى‏ عليه السلام فرماتے  ہیں :

 من وعظ أخاه سرّاً فقد زانه ، ومن وعظه علانية فقد شانه .(37)

 جو  کوئی  اپنے  بھائی  کو  چھپ  کر  نصیحت  کرے  اس  نے  اسے  زینت  بخشی  اور  اگر  کوئی  اعلانیہ  طور  پر  موعظہ  کرے  ،درواقعہاس  نے  اس    کی  توہین  کی۔

12 - امام حسن عسكرى‏ عليه السلام فرماتے  ہیں : 

 ما من بليّة إلّا وللَّه فيها نعمة تحبط بها .(38)

کوئی  بھی  بلا  ایسی  نہیں  ہے  مگر  یہ  کہ  اس  کے  پہلو  میں  اللہ  تعالی  نے  ایک  نعمت  قرار  دی  ہے  کہ  جو  اس   بلاء  کو  ختم  کر  دیتی  ہے۔

13 - امام حسن عسكرى‏ عليه السلام فرماتے  ہیں : 

 ما أقبح بالمؤمن أن تكون له رغبة تذلّه .(39)

کس  قدر  برا  ہے  کہ  مومن  اس  چیز  کی  طرف  راغب  ہو  کہ  جو  اسے  ذلیل  و  خوار  کرے۔

 

27) بحار الأنوار : 371/78 ح4 .  

28) بحار الأنوار : 372/78 ح 11 .  

29) بحار الأنوار : 372/78 ح 12 .

30) بحار الأنوار : 373/78 ح 13 .

31) بحار الأنوار : 373/78 ح 15 .

32) بحار الأنوار : 373/78 ح 17 .

33) بحار الأنوار : 373/78 ح 19 .

34) بحار الأنوار : 374/78 ح 24 .

35) بحار الأنوار : 374/78 ح 26 .

36) بحار الأنوار : 374/78 ح 31 .  

37) بحار الأنوار : 374/78 ح 33 .  

38) بحار الأنوار : 374/78 ح 34 .

39) بحار الأنوار : 374/78 ح 35 .

 

 

منبع: فضائل اهل بیت علیهم السلام کے  بحر  بیکراں  سے  ایک  ناچیز  قطرہ :ج 2 ص 771

 

8