(2)

 امام جواد عليه السلام

کا يحيى بن اكثم  کے  سوال  کا  جواب  دینا

شيخ طبرسى ‏رحمه الله كتاب «احتجاج» میں  ایک  حدیث  کے  ضمن  میں  نقل  کرتے  ہیں:(1)

جب  حضرت جواد عليه السلام کا  سن  مبارک  نو  سال  اور  کچھ  مہینے  تھا  تو  آپ  مجلس  میں  تشریف  لائے  اور  چمڑے  سے  بنے  ہوئے  دو  تکیوں  کے  درمیان  اپنی  جگہ  پربیٹھ  گئے  اور  اس  وقت  کا  سب  سے  بزرگ  عالم  يحيى بن اكثم آپ  کے  سامنے  بیٹھ  گیا  اور  لوگ  بھی  اپنی  اپنی  جگہ  بیٹھ  گئے،مامون  بھی  اپنی مسند  پر  بیٹھ  گیا  جو  کہ حضرت جواد عليه السلام کے  قریب  بچھی  ہو ئی  تھی ۔

جب  مجلس  اس  کیفیت  میں  سج  گئی  تويحيى بن اكثم نے  مامون  کی  طرف  دیکھ   کر  کہا:کیا اميرالمؤمنين   کی  اجازت  ہے  کہ  میں ابو جعفر عليه السلام سے  کچھ  سوال  کروں؟

مأمون نے  اس  سے  کہا: خود  ان  سے  اجازت  لے  لو.

يحيى بن اكثم نے حضرت جواد عليه السلام کی  طرف  منہ  کر  کے  کہا: میں  آپ  پر  قربان  جاؤں !  کیا  آپ  کی  اجازت  دیتے  ہیں  کہ  میں  آپ  سے  چند  سوال  کروں؟

امام عليه السلام نے  فرمایا:جو  چاہو  سوال  کرو۔

يحيى نے  عرض  کیا: میں  آپ  پر  قربان!آپ  اس  محرم  کے  بارے  میں  کیا  فرماتے  ہیں  س  نے  احرام  کی  حالت  میں  شکار  کیا  ہو؟

امام عليه السلام نے  فرمایا: کیا  حرم  کے  اندر  شکار  ہو  یا  حرم  سے  باہر؟کیا  محرم  اس  شکار  کی  حرمت  کو  جانتا  تھا    یا  نہیں؟اس  نے  عمدا  اور  جان  بوھ  کر  یہ  شکار  کیا  یا  غلطی  سے؟محرم  آزاد  تھا  یا  غلام؟بچہ  تھا  یا  بڑا؟اس  نے  پہلی  مرتبہ  کسی  شکار  کو  قتل  کیا  یا  اس  سے  پہلے  بھہ  وہ  شکار  کر  چکا  تھا؟اس  نے  و  شکار  کیا  وہ  پرندوں  میں  سے  تھا  یا  پرندوں  کے  علاوہ  کچھ  اور؟شکار  برا  تھا  یا  چھوٹا؟اپنے  اس  عمل  پر  وہ  مصر  تھا  یا  پشیمان؟اس  نے  رات  میں  شکار  کو  قتل  کیا  یا  دن  میں؟محرم  نے  عمرہ  کا  احرام  باندھا  تھا  یا  حج  کااحرام؟

يحيى بن اكثم نے  جب  امام عليه السلام ‏سے  اپنے  سوال  کے  متعلق  اتنی  شقیں  سنیں  تو  حیران  و  پریشان  ہو  گیااور  اس  کے  چہرے  پر  عاجزی  و  ناتوانی  کے  آچار  نمودار  ہو  گئے،زبان  پر  لکنت  طاری  ہو  گئی  کہ  تمام  اہل  مجلس  کو  اس  کی  بیچارگی  کا  علم  ہو  گیا۔

مأمون  نے  کہا: میں  اس  نعمت  پر  خدا  کا  شکر  کرتا  ہوں جو  اس  نے ابو جعفر عليه السلام کے  متعلق  میری  رائے  کو  میرے  خاندان  والوں  کے  مقابلہ  میں  سچ  کر  دکھایا  اور  پھت  اپنے  خاندان  والوں  کی  طرف  منہ  کر  کے  کہا:کیا  اب  سمجھ  گئے  ہو  اور اب  اس  بات  کو  مانتے  ہو  جسے  تم  قبول  کرنے  کو  تیار  نہیں  تھے؟

 پھر  اس  نے حضرت جواد عليه السلام کی  طرف  دیکھ  کر  عرض  کیا : میں  آپ  پر  قربان  جاؤں ؛ آپ  نے  اس  مسأله   کی  جو  شقیں  بیان  فرمائی  ہیں  اگر  ان  ان  سب  کا  حکم  بھی  بیان  فرمادیں  تو  ہم  آپ  کے  حضور  سے  مستفید  کرتے؟

امام عليه السلام نے  اس  کی  درخواست  کو  قبول  کر  لیا  اور  فرمایا:

اھر  محرم  نے  حرم  کے  باہر  شکار  کو  مارا  ہو    اور  شکار  بھی  پرندوں  میں  سے  ہو  تو  وہ  ایک  بھیڑ  کفارہ  دے  اور  اگر  ھرم  میں  یہ  کام  انجام  دیا  ہو  تو  کفارہ  دوگناہ  ہو  جائے  گا  ،اگرمحرم  پرندے  کے  بچہ  کو  حرم  ککے  باہر  قتل  کرے  تو  بھیڑ  کا  بچہ  کفارہ  دے  کہ  جسنے  ابھی  تازہ  دودھ  چھوڑا  ہو    اور  اگر  یہی  کام  حرم  کے  اندر  انجام  دیا  ہو  تو  ایک  بھیڑ  کا  بچہ  اور  اس  پرندے  کے  بچہ  کی  قیمت  کفارہ  میں  دے  کہ  جسے  مارا  ہو۔

اگر  جنگی  گدھے  کا  شکار  کیا  ہو  تو  ایک  گائے اور  شتر  مرغ  ہو  تو  ایک  اونٹ  اگر  ہرن  ہو  ایک  کی  قربانی  کرے  اور  اگر  ان  میں  سے  کسی  کو  بھی  حرم  کے  اندر  قتل  کیا  ہو  تو  وہ  دوگناہ  کفار ہ  خانہ  کبہ  کے  حضور  میں  پیش  کرے  ،اور  ان  تمام  مذکروہ  موارد  میں  اگر  اس  نے  حج  کا  احرام  باندھا  ہو  تو  منی  کے  مقام  پر  قربانی  کرے  اور  اگر  عمرہ  کا  احرام  ہو  تو  کفارہ  کی  قربانی  مکہ  میں  ذبح  کرے  ۔

شکار  کا  کفارہ  عالم  اور  جاہل  دونوں  کے  لئے  برابر  ہے  ۔

جس  نےعمداً   اور  جان  بوجھ  کر(شکار  کو)  قتل  کیا  ہوتو  اس  کے  لئے  گناہ  لکھاجائے  گا  اور   اگر  غلطی  سے  شکار  مارا  ہے  تو  اسے  بخش    دیا  جائےگااور  اس  کے  لئے  گناہ  نہیں  لکھا  جائےگا۔

اگر  آزاد  شخص  نے  شکار  کو  مارا  ہو  تو  وہ  خود  کفارہ  دے  اور اگر  غلام  نے  مارا  ہو  تو  کفارہ  اس  کے  آقا  کے  ذمہ  ہے۔

  اگر  غیر  مکلف  بچہ  نے  شکار  مارا  ہو  تو  اس  پر  کفارہ  نہیں  ہے  لیکن  بڑے  پر  کفارہ  واجب  ہے۔

جو  شکار  کو  قتل  کرنے  کے  بعد  پشیمان  ہو  تو  اس  سے  آخرت  کا  عذاب  ساقط  ہو  جائےگا  لیکن  جو  اس  پرمسر  ہو  تو  اسے  آخرت  میں  بھی  عذاب  ملے  گا۔

جب امام عليه السلام کا  جواب  مکمل  ہوا  تو  مامون  نے  کہا: أحسنت يا أبا جعفر ،

 اے ابوجعفر !آپ  نے  ہم  پر احسان كیا    اور  بہت  اچھی طرح  مطلب  بیان  کیا  خدا  آپ  پر  احسان  فرما ئے  اور  جزائے  خیر  دے    اب  اگر  آپ  مناسب  سمجھیں  تو  يحيى سے  سوال  پوچھیں۔

امام عليه السلام نے يحيى سے  فرمایا:

کیا  میں  تم  سے  سوال  پوچھوں؟

اس  نےعرض كیا: آپ  کو  اختیار  ہے  اگر  آپ  نے  سوال  پوچھا  اور  مجھے  اس  کا  علم  ہوا   تو  میں  جواب  دوں  گا  ورنہ  آپ  سے  استفادہ  کروں  گا۔

حضرت جواد عليه السلام نے  فرمایا: ایک  مرد  نے  دن  کے  آغاز  میں عورت  کو  دیکھا  تو  وہ  اس  پر  حرام  تھی  تھوڑا  دن  گذرنے  کے  بعد  وہ  اس  پر  حلال  ہو  گئی  ،ظہر  کے  وقت  وہ  پھر  سے  اس  پر  حرام  ہو  گئی  ،عصر  کے  وقت  حلال  ہو  گئی  ،غروب  کے  وقت  حرام  اور  عشاء  کے  وقت  حلال  ہو  گئی،آدھی  رات  کے  وقت  اس  پر  حرام  ہو  گئی  اور  جیسے  ہی  صبح  طلو  ہوئی  تو  وہ  اس  پر  حلال  ہو  گئے۔اس  مسئلہ  میں  حلال  و  حرام  کی  وجہ  بیان  کرو  اور  یہ  بھی  بیان  کرو  کہ  کس  طرح  یہ  عورت  کبھی  حلال  اور  کبھی  حرام  ہو  جاتی  ہے؟

يحيى نے  عرض  کیا:خدا  کی  قسم!  میں  اس  مسئلہ  کا  جواب  نہیں  جانتااور  مجھےاس  میں  موجود  شقوں  کا  بھی  علم  نہیں  ہے۔اآپ  خود  ہی  اس  مسئلہ  کا  جواب  بیان  فرمائیںتا  کہ  ہم  استفادہ  کریں۔

امام جواد عليه السلام فرمایا:

دن  کے  آغاز  میں  یہ  عورت  کسی  کی  کنیز  تھی  اس  لئے  کسی  اجنبی  مرد  کا  اسے  دیکھنا  حرام  تھا،دن  کا  کچھ  حصہ  کذرنے  کے  بعد  اس  نے  وہ  کنیز  اس  کے  مالک  سے  خرید  لی  اس  لئے  وہ  اس  پر  حلال  ہو  گئی، ظہر  کے  وقت  اسے  آزاد  کر  دیا  تو  وہ  اس  پر  حرام  ہو  گئی،عصر  کا  وقت  ہواتو  اس  نے  اس  سے  عقد  کر  لیا  تو  وہ  اس  پر  حلال  ہو  گئی،غروب  کے  وقت  اس  کے  ساتھ  ظہار  کر  لیاتو  پھر  سے  اس  پر  حرام  ہو  گئی،عشاء  کے  وقت  ظہار  کا  کفارہ  ادا  کیا  تو  وہ  اس  پر  حلال  ہو  گئی  ،آدھی  رات  کے  وقت  اس  طلاق  دے  دی  تو  وہ  اس  پر  حرام  ہو  گئی  اور  جب  صبح  ہوئی  تو  رجو  کر  لیا  تو  وہ  اس  پر  حلال  ہو  گئی۔

جب امام عليه السلام کا  کلام  یہاں  پہنچا  اور  مسئلہ  کو  واب  مکمل  بیان  ہو  گیا  تو  مأمون ‏نے  مجلس  میں  بیٹھے اپنے  خاندان بنى عباس   کے  افراد  کی  طرف  دیکھ  کر  کہا:کیا  تم  میں  سے  کوئی  ایسا  ہے  جو  اس  مسئہ  کا  اس  طرح  جواب  دے  سکے  یا  اس  سے  پہلے  والے  مسئلے  کو  اس  طرح  واضح  و  روشن  بیان  کر  سکے؟

انہوں  نے  کہا:خدا  کی  قسم!ہم  نہیں  جانتے  اوراميرالمؤمنين(!!)جو  ہم  سے  بہتر  جانتے  ہیں  انہہیںبھی  اس  کا  علم  نہیں  ہے  ۔

مأمون نے  کہا:تم  پر  افسوس  ہے!اهل بيت رسول خدا صلى الله عليه وآله وسلم   مخلوق  کے  درمیان  فضیلت  اور  برتری  کے  ساتھ  چنے  گئے  ہیں ،سن  کی  کمی  ان  کے  کمالات  کے  ظاہر  ہونے  میں  رکاوٹ  نہیں  بن  سکتی  ۔

یہ  روایت  اس  سے  آگے  بھی  ہے  لیکن  ہم  نے  اختصار  کی  خاطر  ذکر  نہیں  کی۔(2)

 

1. خلاصه یہ  ہے  کہ  جب  مامون  نے  حضرت جواد عليه السلام سے  اپنی  بیٹی  کی  شادی  کرنے  کا  ارادہ  کر  لیا  تو  بنی  باس  نے  اعتراض  کیا  اور  کہا:اس  نے  ابھی  علم  و  کمال  حاصل  کیا  ہے  تھوڑا  صبر  کرو  تا  کہ  وہ  مکمل  ہو  جائے۔

مأمون نے  جواب  دیا: تم  انہیں  نہیں  جانتے ،پھر  اس  نےحکم  دیا  کہ   ایک  مجلس  منعقد  کی  جائےاور  اس  میں  اس  زمانے  کے  تمام  بزرگ  لماء  کو  بلایا  ائےتا  کہ وہ  آنحضرت  سے  مباحثہ  و  گفتگو  کریں۔

(2) الإحتجاج: 443، تفسير قمى : 182/1، ارشاد مفيد: 319، بحار الأنوار : 74/50 ، ح3 ، كشف الغمّة:353/2، حلية الأبرار: 553/4، مدينة المعاجز: 3477 ح 68.

 

 

منبع: قطره اي از درياي فضائل اهل بيت عليهم السلام ج 1 ص 659